Փոխնախարար. Պետք է ընդլայնել Ադրբեջանի առևտրային տների թիվը Ղազախստանում

Անհրաժեշտ է ընդլայնել Ադրբեջանի առևտրային տների թիվը Ղազախստանում։

Այս մասին Caliber.Az-ին ասել է՝ Ղազախստանի առևտրի և ինտեգրման փոխնախարար Կայրաթ Տորեբաևը։

Փոխնախարարն ընդգծել է, որ Աստանայում արդեն գործում է ադրբեջանական առևտրի տունը, իսկ Ակտաուում կա նաև դրա ներկայացուցչությունը։

«Ես խորհուրդ կտայի ընդլայնել տան ներկայությունը Ալմաթիում, քանի որ այն Ղազախստանի գործարար մայրաքաղաքն է», - ասել է նա:

Տորեբաևի խոսքով, առևտրի տան բացումն ուղղված է երկկողմ առևտրի զարգացմանը, և Ղազախստանն աջակցում է այդ միջոցառումներին։

«Ադրբեջանն ու Ղազախստանը կարևոր առևտրային գործընկերներ են, մենք ոչ թե մրցակցում ենք հարցերի լայն շրջանակում, այլ լրացնում ենք միմյանց։ Սակայն այս առումով ապրանքաշրջանառության ծավալը շատ փոքր է և չի համապատասխանում ներուժին»,- նշել է փոխնախարարը։