Ալիևը՝ Կասպից ծովի ջրի աղազրկման նախագծի մասին

Ադրբեջանի նախագահ Իլհամ Ալիևը, ապրիլի 16-ին ելույթ ունենալով Շիրվանի ոռոգման ջրանցքի հիմնարկեքի արարողության ժամանակ, խոսել է Կասպից ծովի ջրի աղազրկման նախագծի մասին։

Ըստ AZERTAC-ի՝ նշելով, որ ներկայումս աշխատանքներ են տարվում Կասպից ծովի ջրի աղազրկման նախագծի վրա, պետության ղեկավարն ասել է. «Այս ծրագրի իրականացումից հետո մենք Կասպից ծովի ջուրն օգտագործելու ենք և՛ ոռոգման համար, և՛ որպես խմելու ջուր։ Աշխարհի մի քանի երկրներ աղազերծման ոլորտում մեծ փորձ ունեն, և մենք ունենք այնպիսի մեծ ջրային ավազան, ինչպիսին Կասպից ծովն է։ Իհարկե, մենք կօգտվենք նաև այս հնարավորությունից»։