Ալիևը շնորհավորել է Նաուսեդային

Ադրբեջանի նախագահ Իլհամ Ալիևը շնորհավորական նամակ է հղել Լիտվայի նախագահ Գիտանաս Նաուսեդային՝ այդ երկրի ազգային տոնի կապակցությամբ։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Նամակում ասվում է. «Ներկայումս լավ հնարավորություններ և հեռանկարներ կան մեր երկրների միջև արդյունավետ համագործակցության համար՝ տնտեսության, առևտրի, տրանսպորտի, վերականգնվող էներգիայի և այլ ոլորտներում։ Օգտվելով առկա հնարավորություններից՝ մենք կկարողանանք հասնել մեր կապերի զարգացմանը և էլ ավելի խորացնել մեր համագործակցությունը։

Վստահ եմ, որ ադրբեջանա-լիտվական հարաբերությունները կշարունակեն հետևողականորեն զարգանալ ինչպես երկկողմ հիմունքներով, այնպես էլ Եվրամիության շրջանակներում։

Մաղթում եմ Ձեզ քաջառողջություն, երջանկություն, հաջողություն գործերում, իսկ լիտվացի ժողովրդին՝ մշտական բարեկեցություն և բարգավաճում»: