Պուտինը զանգահարել է Ալիևին

Ռուսաստանի նախագահ Վլադիմիր Պուտինը զանգահարել է Ադրբեջանի նախագահ Իլհամ Ալիևին։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Վլադիմիր Պուտինը հեռախոսազրույցի ընթացքում շնորհավորել է Իլհամ Ալիևին ծննդյան օրվա առթիվ և մաղթել նորանոր հաջողություններ գործունեության մեջ և քաջառողջություն։

Իլհամ Ալիևը շնորհակալություն է հայտնել ուշադրության և շնորհավորանքի համար։

Հեռախոսազրույցի ընթացքում շոշափվել է փոխայցելությունների և հանդիպումների կարևորությունը, նշվել է, որ այս տարի Վլադիմիր Պուտինի պետական այցը Ադրբեջան կարևոր ներդրում է ունեցել երկկողմ հարաբերությունների ամրապնդման գործում։

Զրույցի ընթացքում վստահություն է արտահայտվել ռազմավարական գործընկերության և դաշինքի հետագա հաջող զարգացման վերաբերյալ, մտքեր են փոխանակվել ադրբեջանա-ռուսական համագործակցության հեռանկարների շուրջ։