Ալիևը Պուտինին. Մենք աջակցում ենք ահաբեկչության բոլոր ձևերի և դրսևորումների դեմ պայքարին

Ադրբեջանի Հանրապետության նախագահ Իլհամ Ալիևը ուղերձ է հղել Ռուսաստանի Դաշնության նախագահ Վլադիմիր Պուտինին, հայտնում է AZERTAC-ը։

Ուղերձում ասվում է.

«Հարգելի Վլադիմիր Վլադիմիրովիչ,

Խորապես ցնցված եմ՝ Դաղստանում տեղի ունեցած ահաբեկչությունների հետևանքով քաղաքացիական անձանց և իրավապահ մարմինների աշխատակիցների զոհվելու լուրից։

Մենք խստորեն դատապարտում ենք այդ արյունալի հանցագործությունները և աջակցում ենք ահաբեկչության բոլոր ձևերի ու դրսևորումների դեմ պայքարին։

Ադրբեջանի ժողովրդի և անձամբ իմ անունից անկեղծ ցավակցություն եմ հայտնում Ձեզ, զոհվածների ընտանիքներին և մերձավորներին, բոլոր տուժածներին մաղթում եմ շուտափույթ ապաքինում»։

Հիշեցնենք, որ հունիսի 23-ի երեկոյան հարձակում է տեղի ունեցել Դերբենդի սինագոգի և եկեղեցու վրա, Մախաչկալայի եկեղեցու, սինագոգի և ճանապարհապարեկային ծառայության կետի վրա, ինչպես նաև Սերգոկալի գյուղի կենտրոնում գտնվող ավտոմեքենայի վրա։ Զոհվել է ավելի քան 15 ոստիկան և մի քանի խաղաղ բնակիչ։