Ալիևը վավերացրել է Ադրբեջանի և Ղրղզստանի միջև կրթության և գիտության ոլորտում համաձայնագիրը

Նախագահ Իլհամ Ալիևը հրամանագիր է ստորագրել «Ադրբեջանի Հանրապետության կառավարության և Ղրղզստանի Հանրապետության Նախարարների կաբինետի միջև կրթության և գիտության ոլորտում համագործակցության մասին համաձայնագիրը հաստատելու մասին»։

Այս մասին հայտնում է Caliber.Az-ը՝ հղում անելով ԱՀ ղեկավարի պաշտոնական կայքին։ Հաստատվել է 2024 թվականի ապրիլի 24-ին Բաքվում ստորագրված «Կրթության և գիտության ոլորտում համագործակցության մասին Ադրբեջանի Հանրապետության կառավարության և Ղրղզստանի Հանրապետության Նախարարների կաբինետի միջև համաձայնագիրը»։

Այս համաձայնագրի ուժի մեջ մտնելուց հետո Ադրբեջանի գիտության և կրթության նախարարությունը պետք է ապահովի դրա դրույթների կատարումը։

Ադրբեջանի արտաքին գործերի նախարարությունը պարտավոր է Ղրղզստանի Հանրապետության կառավարությանը ծանուցում ուղարկել համաձայնագրի ուժի մեջ մտնելու համար անհրաժեշտ ներքին պետական ընթացակարգերի ավարտի մասին։