Բաքվում կարող է տեղադրվել Յուրի Գագարինի հուշարձանը

Մոսկվան և Բաքուն Ադրբեջանում Յուրի Գագարինի հուշարձանի ստեղծման նախագիծ են մշակում։

Ինչպես հաղորդում է Сaliber.Az-ը, այս մասին Սանկտ Պետերբուրգի միջազգային տնտեսական ֆորումի շրջանակում «Ռուսաստան-Ադրբեջան» նիստում հայտարարել է Ռուսաստանի փոխարտգործնախարար Միխայիլ Գալուզինը։

Նրա խոսքով, երկու երկրների միջև առկա են ամուր մշակութային կապեր։

«Մենք ցանկանում ենք շարունակել այս փառավոր ավանդույթը [մշակույթի ոլորտում]։ Կա Ադրբեջանում Յուրի Գագարինի հուշարձանի ստեղծման նախագիծ: Կան մեր մի շարք այլ նախագծեր, որոնք հույս ունենք կյանքի կոչել երիտասարդների շրջանում մեր մշակութային հուշարձանների նկատմամբ հոգատար վերաբերմունք ձևավորելու առումով»,- ասել է նա։