Իլհամ Ալիևը ցավակցություն է հայտնել Իսմայիլ Բերդիևի մահվան կապակցությամբ

Ադրբեջանի նախագահ Իլհամ Ալիևը ցավակցություն է հայտնել՝ Հյուսիսային Կովկասի մահմեդականների համակարգող կենտրոնի նախագահ, Կարաչայ-Չերքեսական Հանրապետության մուֆթի Իսմայիլ Ալիևիչ Բերդիևի մահվան կապակցությամբ։

Ինչպես հայտնում է Caliber.Az-ը՝ նախագահի մամուլի ծառայությանը հղումով, ցավակցությունում նշվում է, որ Հաջի Իսմայիլը եղել է Ադրբեջանի մեծ բարեկամը։

«Նա նշանակալի ներդրում է ունեցել Ադրբեջանի և Ռուսաստանի միջև բարեկամական և բարիդրացիական հարաբերությունների զարգացման գործում։ Ադրբեջանի և Ռուսաստանի ժողովուրդների միջև բարեկամական կապերի ամրապնդման գործում երկար տարիների բեղմնավոր գործունեության համար նա պարգևատրվել է Ադրբեջանի Հանրապետության «Դոստլուգ» պետական շքանշանով։

Հաջի Իսմայիլի լայնածավալ հոգևոր գործունեությունը, որը նվիրված էր կրոնական հանդուրժողականության խթանմանը և միջկրոնական ու միջքաղաքակրթական երկխոսության խորացմանը, նրան խոր հարգանք է բերել ոչ միայն իր երկրում, այլև նրա սահմաններից դուրս:

Ես միշտ մեծ ջերմությամբ եմ հիշում Հաջի Իսմայիլի հետ իմ հանդիպումներն ու զրույցները, հատկապես մեր վերջին հանդիպումը, որը տեղի ունեցավ այս տարվա մայիսին Բաքվում։ Իսմայիլ Ալիևիչի վառ հիշատակը հավերժ կմնա մեր սրտերում»,- ասված է նախագահի ուղերձում։