Իրանն ու Ռուսաստանը ավարտում են Ռեշտ-Աստարա երկաթուղու կառուցման մասին պայմանագիրը

Ռեշտ-Աստարա երկաթուղու կառուցման վերաբերյալ պայմանագիր կնքելու շուրջ բանակցությունները շարունակվում են։

Այս մասին, ըստ Tasnim-ի, հայտարարել է երկաթուղիների, նավահանգիստների ու օդանավակայանների շինարարության և զարգացման հարցերով ճանապարհների և քաղաքային զարգացան փոխնախարար Աբբաս Հաթիբին։

Նրա խոսքով՝ երկաթուղու այս նախագծի շինարարությունը կսկսվի իրանական ընթացիկ օրացուցային տարվա վերջին (մինչև 2024 թվականի մարտի 20-ը)։

Հաթիբին հավելել է, որ նրա նախարարությունը պարտավոր է բանակցել ռուսական կողմի հետ՝ երկաթուղու նախագծի կառուցման առևտրային պայմանագիրը ավարտելու համար։

Համաձայնագրով ռուսական կողմը պարտավորվել է ֆինանսավորել նախագիծը, և առաջիկա մի քանի ամիսների ընթացքում վերջնականապես կհամաձայնեցվի առևտրային պայմանագրի մոդելը։

«Ռեշտ-Աստարա երկաթուղու շինարարությունը նախատեսվում է ավարտել առաջիկա երեք տարիների ընթացքում, և երկաթուղու շահագործման առաջին տարում կտեղափոխվի մեկ միլիոն ուղևոր, ինչպես նաև 10 միլիոն տոննա բեռ։ Նախագիծը երկրին տարեկան կարող է բերել մոտ 20 մլրդ դոլար, հավելել է ճանապարհների փոխնախարարը»,- նշել է նախարարը։