Հեյդար Ալիևի գործոնը միշտ կարևոր դեր է խաղացել և կխաղա ՌԴ և Ադրբեջանի միջպետական հարաբերություններում. Իլհամ Ալիև

Հեյդար Ալիևի գործոնը միշտ էլ կարևոր դեր է խաղացել և կխաղա Ռուսաստանի և Ադրբեջանի միջպետական հարաբերություններում։

Ինչպես հայտնում է Caliber.Az-ը, այս մասին հայտարարել է Ադրբեջանի նախագահ Իլհամ Ալիևը ՌԴ նախագահ Վլադիմիր Պուտինի հետ Մոսկվայում Բայկալ-Ամուր երկաթուղային մայրուղու (BAM) 50-ամյակի կապակցությամբ երկաթուղային ոլորտի վետերանների և աշխատողների հետ համատեղ հանդիպմանը։

Ադրբեջանական պետության ղեկավարը նաև շնորհակալություն է հայտնել ԲԱՄ-ականներին Հեյդար Ալիևի հիշատակը հավերժացնելու համար՝ հիշեցնելով, որ Անգոյ ավանի կայանը անվանակոչվել է նրա անունով։ «ԲԱՄ-ականները լավ գիտեն՝ նա, փաստորեն, ոտքով երկար ճանապարհ է անցել, գնացքով, ուղղաթիռով, Բրատսկից մինչև Վլադիվոստոկ և Նախոդկա դժվարին պայմաններում, և տասը օր շարունակ ուրախությունն ու վիշտը կիսել է ԲԱՄ-ականների հետ»,- հավելել է Իլհամ Ալիևը։