Միքայիլ Ջաբբարովը՝ Ադրբեջանի և Ուզբեկստանի միջև բեռնափոխադրումների աճի մասին

Ադրբեջանը կարող է ավելի քան 500 մլն դոլար ներդնել Ուզբեկստանի շինարարության ոլորտում.

Ինչպես հաղորդում է Caliber.Az-ը՝ ուզբեկական լրատվամիջոցներին հղումով, այս մասին այսօր Տաշքենդում անցկացվող ուզբեկա-ադրբեջանական գործարար համաժողովում ասել է՝ Ադրբեջանում Ուզբեկստանի պատվավոր հյուպատոս Քյանան Ջալիլովը։

Ադրբեջանի տնտեսության նախարար Միքայիլ Ջաբբարովի խոսքով, մեր երկրների միջև բեռնափոխադրումների աճի տեմպը կազմում է 25-30%:

«Հաստատված տրանսպորտային և լոգիստիկ հաղորդակցությունները մեզ տալիս են այն արդյունքները, որոնք մենք ակնկալում էինք: Մենք տեսնում ենք, որ տարածաշրջանում բեռնափոխադրումների ծավալը երկու ուղղություններով անշեղորեն ավելանում է 25-30%-ով»,- ասաել է նախարարը։

Ջաբբարովը հայտնել է նաև, որ մոտ ապագայում Խանքենդի քաղաքում կբացվի տեքստիլի արտադրության գործարան։ Սա ներդրումային ծրագիր է, որն իրականացվում է ուզբեկական ընկերության կողմից։

Համաժողովի ընթացքում քննարկվել է Բաքվում, Շուշայում, Տաշքենդում և Սամարղանդում առևտրի տների և ցուցասրահների բացման հարցը։

Ուզբեկստանի ներդրումների, արդյունաբերության և առևտրի նախարար Լազիզ Կուդրատովի խոսքով, Տաշքենդը պատրաստ է՝ Ադրբեջանում օգտակար հանածոներ մշակել և վերամշակել, ինչպես նաև արտադրել շինանյութեր և օգտագործել դրանք Ղարաբաղի ազատագրված տարածքների վերականգնման համար։

Կուդրատովը նաև հրավիրել է ադրբեջանական ընկերություններին մասնակցելու՝ Ուզբեկստանում գունավոր մետաղների հանքավայրերի մշակմանը և արդյունահանմանը։