Սաբինա Ալիևան ՄԱԿ-ի ներկայացուցչին տեղեկացրել է ականային խնդրի մասին

Ադրբեջանի օմբուդսմեն Սաբինա Ալիևան՝ Ադրբեջանում ՄԱԿ-ի Զարգացման ծրագրի ռեզիդենտ-ներկայացուցիչ Ալեսանդրա Ռոկասալվոին տեղեկացրել է ազատագրված տարածքներում ականային խնդրի մասին:

Ինչպես հայտնում է Caliber.Az-ը, օմբուդսմենը պատմել է Ադրբեջանի օկուպացիայից ազատագրված տարածքներում մինչ օրս կազմակերպված փաստահավաք առաքելությունների մասին։

Ս.Ալիևան հիշեցրել է միջազգային իրավունքի, այդ թվում՝ մարդասիրական իրավունքի նորմերի ու սկզբունքների խախտումները՝ Հայաստանի օկուպացիոն քաղաքականության արդյունքում։ Նա ընդգծել է միջազգային կազմակերպությունների սերտ մասնակցության անհրաժեշտությունը՝ ապաօկուպացված տարածքներում ականային խնդրի վերացման գործում։

Օմբուդսմենը հիշեցրել է, որ բոլոր այս փաստերի վերաբերյալ պատրաստվել են հատուկ ժամանակավոր զեկույցներ (կոնկրետ դեպքի վերաբերյալ մեկանգամյա փաստաթուղթ-խմբ.), որոնք արդեն ուղարկվել են համապատասխան միջազգային կազմակերպություններին, արտասահմանյան երկրների օմբուդսմեններին և իրավապաշտպան կազմակերպություններին։