Սվերդլովսկի նահանգապետը ներողություն է խնդրել Ադրբեջանից

Սվերդլովսկի նահանգապետ Եվգենի Կույվաշևը զրուցել է Ռուսաստանում Ադրբեջանի դեսպան Փոլադ Բյուլբյուլօղլուի հետ։

AZERTAC-ի փոխանցմամբ՝ այս մասին «Կոմերսանտ-Ուրալ» թերթին հայտնել են մարզի տեղեկատվական քաղաքականության բաժնից:

Հիշեցնենք, որ օգոստոսի 7-ին Եկատերինբուրգում անցկացվել է այսպես կոչված «թալիշ-մուղանական ինքնավար հանրապետության» կազմավորման 30-ամյակի տոնակատարություն:

Այդ կապակցությամբ ՌԴ-ում Ադրբեջանի դեսպանատունը բողոքի նոտա է հղել ՌԴ ԱԳՆ-ին, իսկ դեսպան Փոլադ Բյուլբյուլօղլուն նամակ է հղել Սվերդլովսկի մարզի նահանգապետ Եվգենի Կույվաշևին, որում արտացոլված է Ադրբեջանի սկզբունքային դիրքորոշումը և խիստ բողոքը։

«Մարզի ղեկավարը ներողություն է խնդրել Ադրբեջանի ներկայացուցչից և հույս հայտնել, որ կոնֆլիկտը կկարգավորվի»,–գրում է թերթը։