Ադրբեջանի նախագահ. Ամենաբարձր բերքատվությունը կլինի հատկապես օկուպացիայից ազատագրված հողերում

Շատ մեծ հեռանկարներ ունի անասնաբուծությունը Քելբեջարի, Լաչինի, Զանգիլանի շրջաններում։ Մենք, առանց ժամանակ կորցնելու, արդեն երկրորդ տարին է, հովիվներ ենք ուղարկում այնտեղ ոչխարների հոտերով և տեսնում ենք արդյունքը։ Մենք մեղվաբույծներ ուղարկեցինք։ Հարյուրավոր մեղվաբույծներ Քելբեջարի և Լաչինի շրջանների ճանապարհների երկայքով արդեն հիմնել են իրենց ֆերմաները և առատ բերք են ստանում։ Մենք արդեն դարձել ենք մեղր արտահանող.

Ինչպես հայտնում է Caliber.Az-ը՝ Ազերթաջին հղումով, այս մասին օգոստոսի 12-ին՝ Բասգալ ավանում ադրբեջանական հեռուստատեսությանը տված հարցազրույցում ասել է Ադրբեջանի Հանրապետության նախագահ Իլհամ Ալիևը։

«Նորից եմ ասում, որ այս տարածաշրջանում՝ Արևելյան Զանգեզուրում և Ղարաբաղում, գյուղատնտեսության զարգացումը պետք է կառուցվի ամենաժամանակակից հիմքերի վրա, քանի որ մենք գործնականում սկսում ենք աշխատանքը զրոյից, դրա համար էլ չենք կարող սխալվել։ Մենք չենք կարող կրկնել նախկինում Ադրբեջանում իրականացված գյուղատնտեսական բարեփոխումների ընթացքում թույլ տված սխալները։ Ամեն ինչ պետք է լինի ճիշտ, թափանցիկ, և ես վստահ եմ, որ դրա արդյունքում ամենաբարձր բերքատվությունը կլինի հատկապես օկուպացիայից ազատագրված հողերի վրա»,- ընդգծել է Ադրբեջանի նախագահը։