Անար Քերիմով. Մենք կվերականգնենք Ղարաբաղը

Youth ArtCamp Shusha and Baku կոչվող միջազգային նախագիծը կազմակերպվել է Մշակույթի նախարարության, Ադրբեջանի ՅՈՒՆԵՍԿՕ-ի գործերով ազգային հանձնաժողովի, Իսպանիայում Ադրբեջանի դեսպանատան և Անդորրայի՝ ՅՈՒՆԵՍԿՕ-ի գործերով ազգային հանձնաժողովի ներկայացուցիչների կողմից:

Ինչպես տեղեկացնում է Report-ը, այս մասին վերը նշված միջազգային նախագծի փակման արարողությանը հայտարարել է Ադրբեջանի մշակույթի նախարար Անար Քերիմովը:

Նախարարը հայտարարել է, որ այս ստեղծագործական ճամբարը ցանկանում են իրականացնել աշխարհի բոլոր երկրներում:

«Այս տարի նշված նախագիծն իրականացվել է Ադրբեջանի մշակութային մայրաքաղաքում` Շուշա քաղաքում: Թեև ավերվել են մեր մշակութային հուշարձանները Աղդամում, Շուշայում և այլ շրջաններում, մենք կվերականգնենք Ղարաբաղը: Մենք ձգտում ենք խաղաղություն հաստատել մեր տարածաշրջանում: Դուք կդառնաք մեր մշակութային դեսպանները», - ասել է նախարարը: