Ադրբեջանցի շախմատիստուհին հաղթել է իր հայ մրցակցին

Ադրբեջանցի շախմատիստուհի Գովհար Բեյդուլլաևան ամրապնդել է առաջատարի դիրքը Սարդինիայում (Իտալիա) ընթացող աշխարհի երիտասարդական առաջնությունում։

Ինչպես տեղեկացնում է Caliber.Az-ը, 9-րդ տուրում նա առավելության է հասել Մարիամ Մկրտչյանի (Հայաստան) նկատմամբ։ Վաստակելով 8 միավոր՝ Գովհարը մոտակա հետապնդողից առաջ է մեկ միավորով։ Մինչդեռ Լաման Հաջիևան (6,5 միավոր) զբաղեցնում է վեցերորդ հորիզոնականը։

Տղամարդկանց պայքարում Աբդուլլա Գադիմբեյլին առավելության է հասել վրացի Նիկոլոզի Կաչարավայի նկատմամբ և բարձրացել երկրորդ հորիզոնական (7 միավոր): Նրան մեկ միավորով զիջում է Մագոմեդ Մուրադլին՝ զբաղեցնելով 19-րդ տեղը։