Իլհամ Ալիևն ընդունել է ԱՄՆ Պետդեպարտամենտի` Կովկասում բանակցությունների գծով գլխավոր խորհրդականին

Նոյեմբերի 28-ին Ադրբեջանի Հանրապետության նախագահ Իլհամ Ալիևն ընդունել է ԱՄՆ Պետդեպարտամենտի Կովկասում բանակցությունների գծով գլխավոր խորհրդական Ֆիլիպ Ռիկերին։

Ֆիլիպ Ռիկերը նախագահ Իլհամ Ալիևին է փոխանցել ԱՄՆ պետքարտուղար Էնթոնի Բլինկենի ողջույնը, հայտնում է Caliber.Az-ը՝ հղում անելով պետության ղեկավարի կայքին։

Երկրի ղեկավարը շնորհակալություն է հայտնել ողջույնի համար, ինչպես նաև խնդրել է իր ողջույնը փոխանցել Էնթոնի Բլինկենին։

Հանդիպմանը մտքերի փոխանակում է տեղի ունեցել Հայաստանի և Ադրբեջանի հարաբերությունների կարգավորման շուրջ Վաշինգտոնում արտաքին գործերի նախարարների մակարդակով կայացած հանդիպման, խաղաղության պայմանագրի բանակցությունների վերաբերյալ։

Բարձր է գնահատվել ԱՄՆ պետքարտուղար Էնթոնի Բլինկենի մշտական ուշադրությունը Հայաստանի և Ադրբեջանի միջև հարաբերությունների կարգավորման գործընթացին։

11:30

Նոյեմբերի 28-ին Ադրբեջանի Հանրապետության նախագահ Իլհամ Ալիևն ընդունել է ԱՄՆ Պետդեպարտամենտի` Կովկասում բանակցությունների գծով գլխավոր խորհրդական Ֆիլիպ Ռիկերին։

Այս մասին հայտնում է Caliber.Az-ը՝ վկայակոչելով երկրի ղեկավարի կայքին։