Ադրբեջանի նախագահ. Ոչ ոք չի կարող մեզ հետ վերջնագրի լեզվով խոսել

Պատերազմից անցած երկուսուկես տարվա ընթացքում ողջ աշխարհը, այդ թվում՝ հակաադրբեջանական ուժերը, տեսել են մեր աննկուն կամքը։

Ըստ «Ազերթաջ»-ի՝ նախագահ Իլհամ Ալիևն այս մասին ասել է Մասիմ Մամեդովին ընդունելիս՝ կապված վերջինիս՝ Արևելյան Զանգեզուրի տնտեսական շրջանի մաս կազմող Լաչինի շրջանում նախագահի հատուկ ներկայացուցիչ նշանակվելու հետ։

«Ոչ ոք չի կարող ազդել մեր կամքի վրա: Ոչ ոք չի կարող մեզ հետ վերջնագրի լեզվով խոսել: Մենք դա ապացուցեցինք Հայաստանին Ղարաբաղյան Երկրորդ պատերազմում, մենք դա ապացուցեցինք Հայաստանի հովանավորներին պատերազմին հաջորդած երկուսուկես տարվա ընթացքում»,- ասել է պետության ղեկավարը։