Իլհամ Ալիև. Ադրբեջանի և Իսրայելի միջև կիբերանվտանգության ոլորտում ակտիվ համագործակցություն է սկսվել

Այն ոլորտներից մեկը, որտեղ մենք համեմատաբար վերջերս սկսել ենք համագործակցել, դա կիբերանվտանգության ոլորտն է։ Մենք շատ ուրախ ենք, որ այս ոլորտում շատ ակտիվ համագործակցություն է սկսվել։

Այս մասին, ըստ Ազերթաջի, Իսրայելի նախագահ Իցհակ Հերցոգի հետ ընդլայնված կազմով հանդիպումից հետո՝ մամուլի համար հայտարարության մեջ ասել է Ադրբեջանի նախագահ Իլհամ Ալիևը։

Ընդգծելով, որ կիբերանվտանգությունը հանդիսանում է յուրաքանչյուր երկրի ազգային անվտանգության կարևոր մասը, պետության ղեկավարը նշել է. «Միանշանակ, իսրայելական ընկերությունների մեծ փորձն այս ոլորտում օգտակար կլինի մեզ համար։ Երիտասարդ սերնդի վերապատրաստումը, կրթությունը հիմնարար գործոն կլինի մեր նպատակներին հասնելու և մեզ սպառնալիքներից պաշտպանելու համար»։