Իլհամ Ալիև. Երկար տարիներ Ադրբեջանը շարունակում է համարվել Իսրայելին հում նավթի հուսալի մատակարար

Դիտելով որոշ տնտեսական ցուցանիշներ՝ ես նկատեցի, որ մեր առևտրաշրջանառությունը կազմում է ավելի քան 1,7 մլրդ դոլար, ինչը նշանակալի ցուցանիշ է։ Բայց կարծում եմ, որ առաջիկա տարիներին մենք պետք է փորձենք դիվերսիֆիկացնել մեր առևտրաշրջանառությունը։

Այս մասին, ըստ Ազերթաջի, Իսրայելի նախագահ Իցհակ Հերցոգի հետ ընդլայնված կազմով հանդիպումից հետո՝ մամուլի համար հայտարարության մեջ ասել է Ադրբեջանի նախագահ Իլհամ Ալիևը։

Հույս հայտնելով, որ համատեղ նախագծերի իրականացումը ավելի կհավասարակշռի ապրանքաշրջանառությունը, պետության ղեկավարը նշել է. «Դա կախված կլինի ոչ միայն էներգետիկ գործոնից, թեև երկար տարիներ Ադրբեջանը շարունակում է համարվել Իսրայելին հում նավթի հուսալի մատակարար։ Սա նաև հանդիսանում է էներգետիկ ոլորտում սերտ համագործակցության ցուցանիշ»։