Իլհամ Ալիևը մասնակցել է Ալյաթի ԱՏԳ-ի առաջին փուլի բացմանը

Ադրբեջանի Հանրապետության նախագահ Իլհամ Ալիևը մասնակցել է Ալյաթի ազատ տնտեսական գոտու առաջին փուլի բացման արարողությանը։

AZERTAC-ի փոխանցմամբ՝ Ալյաթի ազատ տնտեսական գոտու լիազոր կառույցի խորհրդի նախագահ Վալեհ Ալեսկերովը երկրի ղեկավարին տեղեկացրել է կատարված աշխատանքների մասին։

Նշվել է, որ Ալյաթի ազատ տնտեսական գոտու ընդհանուր մակերեսը կազմում է 850 հա։ 60 հեկտար տարածքում, որտեղ աշխատանքներ են տարվում Ալյաթի ազատ տնտեսական գոտու առաջին փուլի (1-ին գոտի, 1-ին փուլ) շրջանակներում, սկսվել է շինարարությունը և կատարվել են մի շարք աշխատանքներ։

Երկրի ղեկավարը ծանոթացել է Ալյաթի ազատ տնտեսական գոտու բիզնես կենտրոնում ստեղծված պայմաններին։

Նշվել է, որ բիզնես կենտրոնի շենքը 16000 քմ ընդհանուր մակերեսով բաղկացած է 3 ֆունկցիոնալ մասից։ Այստեղ գործելու է Ալյաթի ազատ տնտեսական գոտու լիազոր կառույցի գրասենյակը, գրասենյակ, որը ներդրողներին ծառայություններ է մատուցելու մեկ պատուհանի սկզբունքով, ներդրողների կառավարման մարմինների գրասենյակները և մաքսային ծառայողների գրասենյակը։

Ալյաթի ազատ տնտեսական գոտու ստեղծման մասին որոշումը կայացվել է 2017 թվականին, իսկ համապատասխան օրենքն ընդունվել է 2018 թվականին։

Դրա հիմքը դրվել է 2021 թվականի հուլիսի 1-ին նախագահ Իլհամ Ալիևի մասնակցությամբ:

Այս տնտեսական գոտու ներդրողների համար կիրառվում են մի շարք ֆիսկալ և ոչ ֆիսկալ արտոնություններ: