ՅՈՒՆԵՍԿՕ-ն որոշել է «Յալլը» պարը պահպանել մշակութային ժառանգության անհապաղ պաշտպանության արժեքների ցանկում

ՅՈՒՆԵՍԿՕ-ն որոշել է՝ Նախչըվանում «Յալլը (Քոչարի, Թենզերե) ավանդական խմբակային պարերը պահպանել մշակութային ժառանգության անհապաղ պաշտպանության արժեքների ցանկում:

Ինչպես հայտնում է Report-ը, որոշումն ընդունվել է՝ ՅՈՒՆԵՍԿՕ-ի ոչ նյութական մշակութային ժառանգության պաշտպանության միջկառավարական կոմիտեի 18-րդ նստաշրջանում, որը տեղի է ունեցել Բոտսվանայի Կասանե քաղաքում։

Report-ի հարցմանն ի պատասխան՝ ՅՈՒՆԵՍԿՕ-ի Ադրբեջանի ազգային հանձնաժողովը հայտարարել է, որ կազմակերպության ընթացակարգային կանոններին համապատասխան՝ անդամ երկրները պետք է պարբերաբար զեկույցներ ներկայացնեն՝ անհապաղ պաշտպանության ցանկում ընդգրկված անվանակարգերի վերաբերյալ:

«Տվյալ զեկույցը քննարկվում և հաստատվում է ՅՈՒՆԵՍԿՕ-ի ոչ նյութական մշակութային ժառանգության միջկառավարական կոմիտեի նիստում։ Ադրբեջանի կողմից այս տարվա համար ներկայացված զեկույցը և կատարված աշխատանքը ճանաչվել և ընդունվել են կազմակերպության կողմից»,- նշել են հանձնաժողովում։