Քերիմ Թահիրով. Թուրքական աշխարհի գրադարանների միություն կստեղծվի

«Մենք վաղուց ենք ունեցել Թուրքական աշխարհի գրադարանների միություն ստեղծելու գաղափարը, և այդ հարցը քննարկել ենք՝ իմ թուրք գործընկեր Թաներ Բեյօղլուի և այլ գործընկերների հետ։ Մոտ ապագայում Թուրքական աշխարհի գրադարանների միությունը կստեղծվի»։

Ինչպես հաղորդում է Caliber.Az-ը, այս մասին հայտարարել է՝ Ադրբեջանի ազգային գրադարանի տնօրեն, պրոֆեսոր Քերիմ Թահիրովը։

Նրա խոսքով, այս հարցը քննարկվել է նաև այսօր Անկարայում՝ Թուրքիայի ազգային գրադարանում կայացած ցուցահանդեսի ժամանակ:

«Նախագահ Իլհամ Ալիևի հանձնարարությամբ մենք տարվա ընթացքում մի շարք միջոցառումներ ենք անցկացրել՝ կապված Ադրբեջանի ազգային գրադարանի 100-ամյակի հետ։ Որոշեցինք մեր տարեդարձի վերջին միջոցառումներն անցկացնել Անկարայում՝ Թուրքիայի Ազգային գրադարանում և ԹՈՒՐՔՍՈՅ-ում»։