ԱՄՆ-ի Սենատում հայկական սիրուհիների «նախաձեռնությունը»
Կեղծիք, ցինիզմ և հիմարություն

Վերլուծություն  03 Փետրվարի 2024 - 12:30

Ամերիկացի սենատորներ Էդ Մարքին և Բիլ Քեսիդին հայկական լոբբիի հրահրումով ներկայացրել են մի բանաձեւ, որում պահանջում են «զեկույց» Ադրբեջանում մարդու իրավունքների իրավիճակի մասին։ Բանաձեւը Պետքարտուղարությունից պահանջում է տեղեկատվություն «Ադրբեջանում մարդու իրավունքների խախտումների մասին, ինչպես երկրի ներսում, այնպես էլ Լեռնային Ղարաբաղի վրա հարձակման ժամանակ, որը հանգեցրել է հայ բնակչության էթնիկ զտումների»։ Այդ սադրիչ հակաադրբեջանական նախաձեռնությանը միացել են նաև սենատորներ Մարկո Ռուբիոն, Հերի Փիթերսը, Էլիզաբեթ Ուորենը, Շելդոն Ուայթհաուսը, Բոբ Մենենդեսը և Փիթեր Ուելչը։

Գիտեք, զավեշտալի է հետևել նրան, թե ինչպես է իր հակաադրբեջանական գործունեությունը շարունակում Բոբ Մենենդեսը, ում մեղադրում են քրեական հանցագործությունների մեջ, ներառյալ փողի դիմաց այլ երկրների շահերի սպասարկումը։ Ցինիզմ ու անբարոյականությո՞ւն։ Միանշանակ։ Մինչդեռ, ամերիկյան ներկայիս օրենսդիրներից այլ բան սպասել չի կարելի։ Նրանք մարդու իրավունքների խնդիրը կամայականորեն օգտագործում են որպես այլ երկրների վրա ճնշում գործադրելու զենք, սերմամնելով պառակտում ու քաոս միջազգային հանրության մեջ։

XXI դարի սկզբից Միացյալ Նահանգները «պայքար ահաբեկչության դեմ» դրոշի ներքո ռազմական գործողություններ են անցկացրել աշխարհի շատ մասերում, ինչը հանգեցրել է հարյուր հազարավոր խաղաղ բնակիչների զոհվելուն և միլիոնավոր մարդկանց տեղահանմանը։ Շատ շուտով, փետրվարի 5-ին, կլրանա ԱՄՆ պետքարտուղար Քոլին Փաուելի՝ ՄԱԿ-ի Անվտանգության խորհրդում ելույթի արդեն 21 տարին։ Ողջ աշխարհի աչքի առաջ Փաուելը ստեց, որպեսզի արդարացնի Բուշի վարչակազմի՝ Իրաք ներխուժելու որոշումը։ Այո-այո, այդ նույն «Փաուելի փորձանոթը»:

Իրաք ներխուժումը հանգեցրեց հարյուր հազարավոր իրաքցիների մահվան և երբեմնի կայուն պետության կործանման: ԿՀՎ-ն և զինվորականները աչքի էին ընկնում իրաքցիների դաժան խոշտանգումներով և սպանություններով: Ինչ արժե միայն Գուանտանամոյի բանտը, որտեղ տարիներով առանց դատարանի և հետաքննության պահվում էին «ահաբեկչության մեջ կասկածվողները»: Այս հանցագործությունների համար պատասխանատու պաշտոնյաներից ոչ մեկն այդպես էլ չի պատժվել։

Հիշենք նաև, որ 2022 թվականի մայիսի 14-ին Նյու Յորքի նահանգի Բուֆալո քաղաքի՝ Քինգսլի շրջանի «Tops Friendly Markets» սուպերմարկետում տեղի ունեցավ «սպիտակամորթ ռասայի գերակայության» կողմնակիցների կողմից աֆրոամերիկացիների զանգվածային սպանությունները: Տասը մարդ զոհվեցին, ևս երեքը՝ վիրավորվեցին։ Այստեղ տեղին է հիշեցնել, որ սա եղել է աղաղակող, բայց ոչ եզակի հանցագործություն ռասայական հողի վրա: Բանը նրանում է, որ ասիական ծագումով ամերիկացիների 81 տոկոսը հայտարարում է ասիական համայնքների նկատմամբ բռնության աճի մասին: Ոստիկանության կողմից աֆրոամերիկացիների սպանվելու հավանականությունը 2,78 անգամ ավելի մեծ է, քան սպիտակամորթների: Այսպիսին են ամերիկյան իրողությունները։ Սակայն, սա դեռ ամենը չէ:

ԱՄՆ-ը աշխարհում առաջին տեղն է գրավում բանտարկյալների բացարձակ թվաքանակով՝ մոտ 2,2 միլիոն մարդ գտնվում է ճաղերի հետևում։ Դա աշխարհի բոլոր բանտարկյալների 25% է (ավելի քան 35 եվրոպական երկրներ միասին վերցրած, և 40%-ով ավելի, քան Չինաստանում), թեև ԱՄՆ-ի բնակչությունը կազմում է աշխարհի բնակչության միայն 5%-ը: Բացի այդ, ԱՄՆ-ը աշխարհում գրավում է վեցերորդ տեղը՝ ճաղերի հետևում գտնվող քաղաքացիների տեսակարար թվով: 2023 թվականի հունիսի դրությամբ յուրաքանչյուր հարյուր հազարից 668 մարդ ԱՄՆ-ի բանտերում է:

Դրանով հանդերձ, վիճակագրության համաձայն, աֆրո- և լատինաամերիկացիները կազմում են ԱՄՆ-ի բնակչության 30%-ը, և միևնույն ժամանակ՝ բոլոր ամերիկացի բանտարկյալների 60%-ը։ Եվ տեսեք, ունենալով այդպիսի քանակությամբ ներքին խնդիրներ, «ժողովրդավարության համար պայքարի» քողի տակ բազմաթիվ հանցագործություններ կատարելով, ԱՄՆ-ի որոշ քաղաքական գործիչները և օրենսդիրները փորձում են դասեր տալ Ադրբեջանին։ Ընդ որում, օգտագործելով բացահայտ կեղծ «փաստարկներ»:

Միանգամայն ակնհայտ է, որ ոչ մի «հարձակում Լեռնային Ղարաբաղի վրա» չի եղել։ Եղել է պատերազմ Հայաստանի հետ, որը օկուպացիայի տակ էր պահում մեր տարածքների մեկ հինգերորդ մասը՝ անտեսելով Անվտանգության խորհրդի և ՄԱԿ-ի Գլխավոր ասամբլեայի բանաձեւերը։ Պատերազմը անցկացվել է մեր երկրի միջազգայնորեն ճանաչված տարածքում։ Որի խաղաղ քաղաքների վրա 44-օրյա պատերազմի ընթացքում Հայաստանը հրթիռային հարվածներ է հասցրել, ինչի հետևանքով զոհվեցին ադրբեջանցի ծերեր, կանայք և երեխաներ։

Ադրբեջանը Հայաստանի խաղաղ քաղաքներին հրթիռային հարվածներ չի հասցրել։ Բայց ԱՄՆ-ը Հայաստանին չի դատապարտել նրա հանցագործությունների համար։ Այնտեղ, ինչպես տեսնում ենք, գերադասում են զրպարտել մեր երկրին, խոսելով Ադրբեջանի Ղարաբաղի տարածաշրջանում «էթնիկ զտումների» մասին, ինչը չի եղել (ինչն, ի դեպ, հաստատել են ինչպես Փաշինյանը, ՄԱԿ-ի առաքելությունը, ինչպես նաև ազատագրված Ղարաբաղ այցելած բազմաթիվ օտարերկրյա պատվիրակությունները): Մեր երկրի այս հատվածում անօրինական բնակվող հայերը չօգտվեցին՝ Ադրբեջանի քաղաքացիություն ստանալու համար անհրաժեշտ բոլոր ընթացակարգերը անցնելու պաշտոնական Բաքվի բազմիցս առաջարկներից։ Նրանք նախընտրեցին գնալ Հայաստան, որի անձնագրերի կրողներ են հանդիսանում նրանք։ Ի դեպ, Հայաստանն այդպես էլ ոչ մի պատիժ չի կրել ադրբեջանական ժողովրդի դեմ իրագործած հանցագործությունների համար։

ԱՄՆ-ը հազիվ թե թույլ կտար մի իրավիճակ, երբ ուրիշ պետության տասնյակ հազարավոր քաղաքացիները կոմպակտ ապրեին ամերիկյան տարածքում, այնտեղ անցկացնեին «ընտրություններ» և պահանջեին, որ աշխարհը ճանաչի նրանց «անկախությունը»։ Բայց, ինչպես տեսնում ենք, Միացյալ Նահանգներում կան այնպիսիք, ովքեր իրենց իրավասու են համարում կատարել հայկական սփյուռքի պատվերը՝ անտեսելով ճշմարտությունը, միջազգային իրավունքը, ԱՄՆ-ի ազգային շահերը, ինչպես նաև բարոյականությունն ու բարքերը։ Եվ սա նրանց մեծ սխալն է։

Caliber.Az

Դիտումներ: 127