Նոր դարաշրջան՝ առավելագույն վստահությամբ
Ադրբեջանը ընտրեց նախագահ

Վերլուծություն  08 Փետրվարի 2024 - 15:58

Այսպես ուրեմն, հրապարակվել են Ադրբեջանում արտահերթ նախագահական ընտրությունների նախնական արդյունքները։ Ժողովուրդը կայացրեց իր որոշումը։ Կենտրոնական ընտրական հանձնաժողովի տվյալներով, ձայների ավելի քան 90%-ով Ադրբեջանի նախագահ  է նորից ընտրվել գործող նախագահ Իլհամ Հեյդար օղլու Ալիևը։

Ցանկացած ընտրություները ցանկացած երկրում և ցանկացած իրավիճակի դեպքում հանդիսանում են պատմական, քանզի ձևավորում են հասարակության զարգացման մի քանի տարիների վեկտորը։ Իսկ Ադրբեջանում ընթացիկ նախագահական ընտրությունները, եթե կարելի է այսպես արտահայտվել՝ պատմական են կրկնակի։ Դրա համար կան մի ամբողջ շարք պատճառներ: Նախ, սրանք 2020 թվականի Հայրենական պատերազմում Մեծ հաղթանակից հետո առաջին ընտրություններն են։ Երկրորդը, և սա բխում է առաջին կետից՝ սրանք իր ինքնիշխանությունը վերականգնած մեր պետության ամբողջ տարածքում անցկացված առաջին ընտրություններն են։ Եվ վերջապես, երրորդը, իսկ սա իր հերթին նույնպես սերտորեն կապված է առաջին երկու կետերի հետ՝ ընտրությունները անցկացվում են ամենաբարդ աշխարհաքաղաքական պայմաններում, որոնք կապված են՝ ինչպես Հարավային Կովկասում նոր իրողությունների հետ հաշտվել չցանկացող Հայաստանի հովանավորների ռեակցիոն քաղաքականության, ինչպես նաև, անկասկած մեր տարածաշրջանին դիպչող ընդհանրապես համաշխարհային գլոբալ համակարգի տեկտոնական փոփոխությունների հետ։

Հենց նախագահ և Գերագույն գլխավոր հրամանատար Իլհամ Ալիևը բացառիկ ռազմավարական տեսլականի և գործնական կառավարման ուժով կարողացավ մեկ բռունցքի մեջ կուտակել ժողովրդի նկրտումները և հասնել երկրի առջեւ ծառացած պատմական նպատակներին։

Նորից ընտրելով Իլհամ Ալիևին՝ Ադրբեջանի քաղաքացիներն ընտրեցին ոչ միայն ներքին կայունությունը, այլ նաև իր աճող աշխարհաքաղաքական նշանակությունը պաշտպանելուն ունակ պետության կարգավիճակը։ Ընտրելով Ալիեւին՝ ադրբեջանական ժողովուրդն աշխարհին ազդարարեց այն մասին, որ պայքարելու է հանուն այն նոր իրականության, որի ստեղծման համար այդքան ջանք է գործադրվել։ Հաստատելով գործող նախագահի նկատմամբ վստահության մանդատը, մենք հայտարարեցինք՝ մեր ձեռքբերումները կրծքով պաշտպանելու վճռականության մասին մեր խոսքերի և գործողությունների համար մեր պատասխանատվության մասին։

Իսկ սա նշանակում է, որ մեր հասարակությունը պետք է հաղթահարի այն մարտահրավերները, որոնք մեր առջև դրված են՝ վերը նշված տարածաշրջանային և գլոբալ փոփոխությունների պատճառով։ Դրա համար, ի թիվս այլ բաների, անհրաժեշտ է անցկացնել երկրի ռազմավարական զարգացման տեսլականի ձևավորմանը ուղղված համապարփակ հանրային երկխոսություն։ Եվ հենց այդ մասին է նախագահ Ալիևը ասել՝ հունվարի 10-ին տեղական հեռուստաալիքներին տված հարցազրույցի ժամանակ. «Ես կցանկանայի, որպեսզի մեր հիմնական ազգային գաղափարի և ապագա զարգացման վերաբերյալ մեր պատկերացումների շուրջ քննարկումները տեղի ունենան նաև հասարակության մեջ՝ քաղաքական գործիչների, քաղաքագետների, գիտնականների և մտավորականության ներկայացուցիչների շրջանում։ Այսինքն, թե ինչպիսին պետք է լինեն մեր ապագա զարգացման հետ կապված հիմնական ազգային գաղափարները։ Սա պետք է լինի հանրային քննարկումների թեմա»:

Առանց որոևէ կասկածի, նման հանրային քննարկումը կկառուցվի արդարության, հանդուրժողականության և բազմամշակութայնության գաղափարի, գիտության և կրթության զարգացման շուրջ՝ չժխտելով լավագույն ժողովրդական ավանդույթները և իսլամի բարձրագույն հումանիստական սկզբունքները: Ընդ որում, Ադրբեջանը ապացուցել է, որ ի վիճակի է արդարության գաղափարները առաջ մղել նաև միջազգային հարթակում։ Դրա լավագույն վկայությունն է՝ մեր երկրի գործունեությունը Չմիավորման շարժման մեջ։ Փոխելով իրավիճակը տարածաշրջանում, ադրբեջանական ժողովուրդը աշխարհի վերաիմաստավորմանը մասնակցելու հայտը է ներկայացրել։ Իր սահմաններում վերականգնելով արդարությունը, ադրբեջանական ժողովուրդը ցանկանում է իր ավանդը ներդնել ողջ աշխարհում արդարության վերականգնման, մասնավորապես՝ մոլորակը նեոգաղութատիրության կապանքներից ազատագրելու գործում։

Նման ներքին և արտաքին նպատակադրման սահմանակետում կձևավորվի ոչ միայն երկրի զարգացման օրակարգը, այլ նաև մեր համաքաղաքացիների նոր սերունդներ։ Առջևում հանրային երկխոսությունն է, սակայն հասարակական պայմանագիրը այսօր արդեն կայացել է։ Ադրբեջանցիները նորից վստահության մանդատ հանձնեցին նախագահ Ալիևին։

Թույլ տվեք հոդվածը ամփոփել նախագահի վերոնշյալ հարցազրույցից ևս մեկ մեջբերումով. «Պետք է ասեմ, որ այո, սկսվում է նոր դարաշրջան, և ես վստահ եմ, որ այն հաջող կլինի մեր երկրի համար»։ Այսօր ադրբեջանական ժողովուրդը հաստատեց նոր դարաշրջանը՝ կատարելապես զինված, սուրը ձեռքին, մտքում գիտելիքներով և աղոթքը շուրթին թևակոխելու իր վճռականությունը։

Եվս մեկ անգամ շնորհավորում ենք պարոն նախագահին ընտրություններում տարած հաղթանակի կապակցությամբ։ Մաղթում ենք նրան առողջություն և ուժ՝ շարունակելու ամենահամարձակ ծրագրերի իրականացումը՝ ի շահ մեր ժողովրդի և պետության:

Caliber.Az

Դիտումներ: 150