Ադրբեջանը խստացնում է ընտանեկան բռնության համար նախատեսված պատիժը

Նախագահ Իլհամ Ալիևի կողմից հաստատված Վարչական իրավախախտումների վերաբերյալ օրենսգրքում կատարված փոփոխությունների համաձայն՝ Ադրբեջանում խստացվում է ընտանեկան բռնության համար նախատեսված պատիժը։

Ինչպես հայտնում է Caliber.Az-ը, ներկայումս տուգանքի նշանակումը պայմանավորված է այնպիսի գործողություններով, ինչպիսիք են կենցաղային հողի վրա տնտեսական բնույթի անօրինական սահմանափակումների կիրառումը, այն է՝ ինչ-որ մեկին սեփականության իրավունքից և եկամուտներից զրկելը, ինչպես նաև կենցաղային հողի վրա հոգեբանական բռնությունը:

Փոփոխությունների համաձայն՝ վարչական տույժի ենթարկված անձի կողմից վերոնշյալ գործողությունները մեկ տարվա ընթացքում կրկնակի կատարելու համար նախատեսվում է տուգանք՝ 500-ից 700 մանաթի չափով, կամ 60-ից 100 ժամ հասարակական աշխատանք, կամ էլ մինչև 15 օր ժամկետով վարչական կալանք:

Բացի այդ, պատասխանատվություն է սահմանվում ընտանեկան բռնության զոհին կարճաժամկետ պաշտպանական օրդեր չտրամադրելու համար։ Դրա համար պաշտոնյաները կտուգանվեն 300-ից 500 մանաթով։