Ալիևը շնորհակալություն է հայտնել Ղրղզստանին՝ Ղարաբաղի վերականգնման գործում աջակցության համար

Ադրբեջանի նախագահ Իլհամ Ալիևը շնորհակալություն է հայտնել Ղրղզստանին՝ օկուպացիայից ազատագրված տարածքների վերականգնման գործում աջակցության համար։

AZERTAC-ի փոխանցմամբ՝ Ղրղզստանի նախագահ Սադըր Ժապարովի հետ մամուլի համար հայտարարության մեջ Ադրբեջանի պետության ղեկավարն ասել է. «Կցանկանայի հատուկ շնորհակալություն հայտնել Սադըր Նուրգոժոևիչին՝ օկուպացիայից ազատագրված տարածքների վերականգնման և վերակառուցման գործում աջակցության համար: Ղրղզստանի նախագահի նախաձեռնությամբ՝ Ղրղզստանն իր միջոցներով միջնակարգ դպրոց կկառուցի Աղդամի շրջանում։ Վաղը միասին կայցելենք Ֆիզուլիի և Աղդամի շրջաններ և կմասնակցենք դպրոցի հիմնարկեքին։ Մենք երախտապարտ ենք նման եղբայրական աջակցության համար, դա մեզ համար մեծ նշանակություն ունի»։