Բրազիլիայի նախագահը շնորհավորել է նախագահ Իլհամ Ալիևին

 Բրազիլիայի Դաշնային Հանրապետության նախագահ Լուիս Ինասիո Լուլա դա Սիլվան շնորհավորական նամակ է հղել Ադրբեջանի Հանրապետության նախագահ Իլհամ Ալիևին՝ երկրի Անկախության օրվա առթիվ, հայտնում է Azertac-ը։

«Բրազիլիայի կառավարության, ժողովրդի և անձամբ իմ անունից շնորհավորում եմ Ձերդ Գերազանցությանը Ադրբեջանի Անկախության օրվա առթիվ։ Ադրբեջանական ժողովրդին մաղթում եմ երջանկություն և բարգավաճում։.

Եվս մեկ անգամ հայտարարում եմ Բրազիլիայի ցանկությունը՝ այսուհետ էլ շարունակելու համագործակցել Ադրբեջանի հետ՝ հանուն մեր երկրների միջև բարեկամական կապերի ամրապնդման և երկու ժողովուրդների փոխադարձ բարեկեցության։ Այս համատեքստում ես ակնկալում եմ արդյունավետ համագործակցություն՝ Բրազիլիայի և Ադրբեջանի միջև Բաքվում կայանալիք ՄԱԿ-ի Կլիմայի փոփոխության շրջանակային կոնվենցիայի (COP29) Կողմերի համաժողովի առաջիկա 29-րդ նստաշրջանի շրջանակներում:

Պարոն նախագահ, խնդրում եմ ընդունել բարձրագույն հարգանքի հավաստիքը»,- ասված է շնորհավորանքի տեքստում։