28 տարի առաջ Բաքվի մետրոյում ահաբեկչություն է տեղի ունեցել

28 տարի առաջ՝ 1994 թվականի մարտի 19-ին, Բաքվի մետրոյում տեղի ունեցավ ահաբեկչություն, որի արդյունքում զոհվեց 14 մարդ։

Մարտի 19-ին ժամը 13:00-ին մետրոյի «Հունվարի 20» կայարանում պայթյուն որոտաց: Ինքնաշեն ժամային ռումբը պայթեց գնացքի գլխավոր վագոնում այն պահին, երբ գնացքը կանգ առավ կայարանում։ Ահաբեկչության ժամանակ զոհվեց 14, վիրավորվեց՝ 49 հոգի։ Պայթյունի հետևանքով մահացել է նաև ահաբեկչական գործողությունը կատարած Օգտայ Գուրբանովը։ Զոհվածների թվում է ադրբեջանցի ջազ երաժիշտ, Ադրբեջանի ժողովրդական արտիստ Ռաֆիկ Բաբաևը։

Դատարանն ապացուցեց, որ ահաբեկչությունը նախապատրաստվել է Հայաստանի հատուկ ծառայությունների կողմից, իսկ իրականացրել են «Սադվալ» անջատողական կազմակերպության անդամները։ Ապացուցվել է նաև, որ «Սադվալի» ակտիվիստները բազմիցս գտնվել են Հայաստանի տարածքում, որտեղ ակտիվորեն համագործակցել են ՀՀ հատուկ ծառայությունների մարմինների հետ։

Հետաքննության ընթացքում պարզվել է, որ հրահանգի համաձայն՝ բացի «Հունվարի 20» կայարանից, նախատեսվում էր դիվերսիա իրականացնել Բաքվի «Նիզամի» կինոթատրոնում, Հանրապետության համերգասրահում (այժմ՝ Հեյդար Ալիևի պալատ) և Բաքվի լամպերի գործարանում։

Քրեական պատասխանատվության ենթարկվեցին Հայաստանում հատուկ պատրաստություն անցած «Սադվալ» կազմակերպության 30 անդամներ, որոնք մեղադրվում էին Բաքվի մետրոյի կայարանում պայթյուն կազմակերպելու մեջ։