Ռուսաստանի մարդու իրավունքների հանձնակատարը շնորհակալություն է հայտնել Ադրբեջանին

ՌԴ մարդու իրավունքների հանձնակատար Տատյանա Մոսկալկովան հայտնել է Մերձավոր Արևելքում իրավիճակի սրումից հետո Իրանից ռուս և օտարերկրյա քաղաքացիների տարհանման մասին։

Ինչպես հաղորդում է Caliber.Az-ը, նա այս մասին գրել է իր թելեգրամյան ալիքում։

«Մեր դիվանագետների օպերատիվ աշխատանքի շնորհիվ, հունիսի 14-ին, Աստարայի անցակետով տարհանվել է 86 հոգուց բաղկացած առաջին խումբը, որոնց թվում էին երեխաներ և այլ բարեկամ պետությունների քաղաքացիներ։ Հունիսի 15-ին կազմակերպվել է 238 ռուսաստանցիների, այդ թվում՝ դիվանագետների ընտանիքների և մշակութային գործիչների սահմանի անվտանգ անցումը», - ասել ր Մոսկալկովան։

Օմբուդսմենը հատուկ շնորհակալություն է հայտնել Ադրբեջանի իշխանություններին՝ «մարդասիրական վերաբերմունքի և տարհանման կազմակերպման գործում համապարփակ օգնության համար»։