Ադրբեջանն ու Մալդիվները պարզեցրել են վիզայի պահանջները

Ադրբեջանի և Մալդիվների կառավարությունների միջև ստորագրված դիվանագիտական, ծառայողական և պաշտոնական անձնագրեր ունեցողների համար փոխադարձ առանց մուտքի վիզայի ռեժիմ սահմանելու վերաբերյալ համաձայնագիրը ուժի մեջ է մտնում հունիսի 18-ին։

Ինչպես տեղեկացնում է Report-ը, համաձայնագիրը ստորագրվել է 2024 թվականի նոյեմբերի 15-ին Բաքվում՝ COP29-ի շրջանակներում, Ադրբեջանի արտաքին գործերի նախարար Ջեյհուն Բայրամովի և նրա մալդիվցի գործընկեր Աբդուլլա Խալիլի հանդիպման ժամանակ։

Համապատասխան օրինագիծը քննարկվել և ընդունվել է Ադրբեջանի Ազգային ժողովի 2024 թվականի դեկտեմբերի 27-ի նիստում, ապա հաստատվել Ադրբեջանի նախագահի կողմից։

Համաձայնագիրը նպատակ ունի ամրապնդել և զարգացնել երկու երկրների միջև բարեկամական հարաբերությունները՝ դյուրացնելով Ադրբեջանի և Մալդիվների դիվանագիտական, ծառայողական և պաշտոնական անձնագրեր ունեցող քաղաքացիների տեղաշարժը։