Ադրբեջանի ԱԳՆ-ն արձագանքել է Իսրայելի կողմից Իրանի վրա հասցված հարվածներին

Ադրբեջանի արտաքին գործերի նախարարությունը լուրջ մտահոգություն է հայտնել՝ Իսրայելի կողմից Իրանի Իսլամական Հանրապետության տարածքում իրականացվող ռազմական գործողությունների վերաբերյալ։
 
Ինչպես հաղորդում է Caliber.Az-ը, այս հարցի վերաբերյալ արտաքին գործերի նախարարության հայտարարության մեջ ասվում է. «Մենք կոչ ենք անում կողմերին առկա տարաձայնությունները լուծել՝ միայն միջազգային իրավունքի նորմերին և սկզբունքներին համապատասխան, երկխոսության և դիվանագիտության միջոցով»։
 
Միաժամանակ, արտաքին գործերի նախարարությունը հատկապես ընդգծել է՝ քաղաքացիական բնակչության և քաղաքացիական օբյեկտների անվտանգության ապահովման կարևորությունը։ «Մերձավոր Արևելքում իրավիճակի հետագա սրումը կանխելու համար կարևոր է շարունակել շփումները դիվանագիտական ​​ուղիներով և ջանքերը՝ համապատասխան միջազգային մեխանիզմների շրջանակներում», - ասվում է հայտարարության մեջ։