«Նեֆթչին» դուրս է եկել ՈՒԵՖԱ-ի Կոնֆերանսների լիգայի հաջորդ փուլ

Բաքվի «Նեֆթչին» դուրս է եկել ՈՒԵՖԱ-ի Կոնֆերանսների լիգայի հաջորդ փուլ։

Ինչպես հայտնում է Caliber.Az-ը, որակավորման II փուլի պատասխան խաղում Լաուրենտիու Ռեգեկամպֆի սաները Բաքվում հանդիպել են կիպրական «Արիս» ակումբի հետ։

Առաջին խաղում մրցակցին 0։2 հաշվով պարտված սև-սպիտակները պատասխան խաղում երեք անպատասխան գնդակ են ուղարկել մրցակցի դարպասը։ 38-րդ րոպեին գոլի հեղինակ է դարձել Գոդսվեյ Դանոն, 57-րդ րոպեին աչքի է ընկել Էդդի Իսրաֆիլովը: Իսկ վերջին գոլը 62-րդ րոպեին խփել է Քենի Սայեֆը։

Խաղի 83-րդ րոպեին խաղադաշտից հեռացվել է «Արիս»-ի խաղացող Մորգան Բրաունը՝ ստանալով երկրորդ դեղին քարտը։

Այսպիսով, «Նեֆթչին» դուրս է եկել Կոնֆերանսների լիգայի որակավորման III փուլ՝ երկու խաղերում 3։2 հաշվով հաղթելով մրցակցին։ Հաջորդ տուրում Ադրբեջանի ներկայացուցիչը կհանդիպի «Ռապիդ» (Վիեննա, Ավստրիա) - «Լեգիա» (Գդանսկ, Լեհաստան) զույգի հաղթողի հետ։