Ադրբեջանի խորհրդարանում տեղի է ունեցել հանդիպում՝ ֆրանսիական գաղութներից ժամանած լրագրողների հետ

Միլլի Մեջլիսում հանդիպում է կայացել ֆրանսիական գաղութներից  ժամանած ԶԼՄ-ների ներկայացուցիչների հետ։

Ինչպես հայտնում է Report-ը, հանդիպման ընթացքում քննարկումներ են անսկացվել՝ Միլլի Մեջլիսում ստեղծված Կորսիկայի ժողովրդին աջակցող խմբի հետ։

Խորհրդարանում հանդիպումից առաջ, օտարերկրյա լրագրողներն այցելել են Նահատակների ծառուղի և «Անմար կրակի» հուշահամալիր։

Հանդիպմանը Կորսիկայի ժողովրդին աջակցության խմբի անդամ Ջավանշիր Ֆեյզիևը նշել է, որ գաղութատիրության քաղաքականությունից տուժած տարածքների առկայությունը ժամանակակից աշխարհում տխուր փաստ է հանդիսանում։

Այն երկրները, որոնք դեմ են գաղութատիրությանը, ինչպիսին է Ադրբեջանը, գտնվում են ճնշման տակ, ասել է նա։ «Չնայած դրան, մենք չենք նահանջելու մեր դիրքորոշումից և ամեն կերպ աջակցելու ենք անդրծովյան  կղզի պետությունների պայքարին», - հավելել է նա։

Աջակցության խմբի մեկ այլ անդամ Ազեր Քերիմլին հյուրերին պատմել է Խոջալուի ողբերգության մասին և ընդգծել, որ այսօր այս իրադարձությունների տարելիցն է. «Գաղութատիրությունը մնում է 21-րդ դարի ամենահրատապ խնդիրներից մեկը, և Ֆրանսիայի քաղաքականությունն այս հարցում ուղղված է մարդկության դեմ։ Ադրբեջանի նախագահը, որպես Չմիավորման շարժման նախագահ, բազմիցս փաստեր է բերել Ֆրանսիայի կողմից նմանատիպ քայլերի մասին։ Մենք կրկին հայտարարում ենք, որ Ադրբեջանը աջակցում է անդրծովյան կղզի պետությունների պայքարին»։