Ադրբեջանի նախագահը՝ ոսկու պաշարների ավելացման մասին

Անցյալ տարի մենք նաև ռազմավարական որոշում կայացրեցինք երկրի ոսկու պաշարները մեծացնելու վերաբերյալ: Մենք հստակ տեսնում էինք աշխարհաքաղաքական զարգացումները, և ես լիովին վստահ էի, որ ոսկու գինը կբարձրանա: Եվ այն կտրուկ աճեց:

AZERTAC-ի փոխանցմամբ՝ այս մասին հայտարարել է Ադրբեջանի նախագահ Իլհամ Ալիևը հունվարի 5-ին տեղական հեռուստաալիքներին տված հարցազրույցում։

Ընդգծելով, որ այս որոշումը զգալի եկամուտ է ապահովել Ադրբեջանի համար, պետության ղեկավարը նշել է. «Մեր ոսկու պաշարների ավելացման շնորհիվ մեր Պետական նավթային հիմնադրամը միայն դրանից ավելի քան 10 միլիարդ դոլար է վաստակել: Բայց եթե գինը նվազի, իհարկե, մեր պաշարները կնվազեն: Հետևաբար, մեր պաշարները ներկայումս ամեն օր փոխվում են: Այսօր դրանք, հավանաբար, կազմում են 84 կամ 83 միլիարդ դոլար: Վաղը կկազմեն 85 միլիարդ դոլար: Դրանով հանդերձ, սրանք աշխարհում մեկ շնչի հաշվով ամենաբարձր պաշարներից են»: