Ադրբեջանում հաստատվել է թմրամոլության դեմ պայքարի պետական ​​ծրագիրը

Ադրբեջանի Հանրապետության նախագահ Իլհամ Ալիևը կարգադրություն է  ստորագրել՝ «Թմրամիջոցների, հոգեմետ նյութերի, դրանց պրեկուրսորների և թմրամոլության անօրինական շրջանառության դեմ պայքարի 2025-2030 թվականների պետական ​​ծրագիրը» հաստատելու մասին:
 
Ինչպես հաղորդում է «ԱզերԹաք»-ը, փաստաթղթում ասվում է.
 
«Ղեկավարվելով Ադրբեջանի Հանրապետության Սահմանադրության 109-րդ հոդվածի 3-րդ և 32-րդ կետերով՝ թմրամիջոցների, հոգեմետ նյութերի և դրանց պրեկուրսորների ապօրինի շրջանառության, թմրամոլության դեմ պայքարը ուժեղացնելու, ինչպես նաև այս ոլորտում իրականացվող համակարգային և համապարփակ միջոցառումների կայունությունն ապահովելու նպատակով, կարգադրում եմ.
 
1. Հաստատել՝ «Թմրամիջոցների, հոգեմետ նյութերի և դրանց պրեկուրսորների ապօրինի շրջանառության, ինչպես նաև թմրամոլության դեմ պայքարի 2025-2030 թվականների պետական ​​ծրագիրը» (այսուհետ՝ Պետական ​​ծրագիր):
 
2. Ադրբեջանի Հանրապետության Նախարարների կաբինետին.
 
2.1. Իրականացնել՝ Պետական ​​ծրագրում նախատեսված միջոցառումների կատարման համակարգումն ու   վերահսկումը,
 
2.2. Լուծել այս կարգադրությունից բխող  մյուս հարցերը:
 
3. Ադրբեջանի Հանրապետության թմրամոլության և թմրանյութերի ապօրինի շրջանառության դեմ պայքարի պետական ​​հանձնաժողովին.
 
3.1. Իրականացնել՝ Պետական ​​ծրագրում նախատեսված միջոցառումների  կատարման դիտարկում և գնահատում.
 
3.2. Տարին մեկ անգամ Ադրբեջանի Հանրապետության նախագահին տեղեկացնել պետական ​​ծրագրով նախատեսված միջոցառումների իրականացման վիճակի մասին։