Ադրբեջանում սահմանվել է պետական ինքնիշխանության օր

Նախագահ Իլհամ Ալիևը հրամանագիր է ստորագրել «Ադրբեջանի Հանրապետությունում պետական ինքնիշխանության օր սահմանելու մասին»։

Ինչպես հաղորդում է Caliber.Az-ը, այս մասին տեղեկությունը զետեղված է Ադրբեջանի Հանրապետության ղեկավարի պաշտոնական կայքում։

Փաստաթղթի համաձայն՝ ամեն տարի սեպտեմբերի 20-ին երկրում նշվելու է Պետական ինքնիշխանության օրը։

Փաստաթղթում ընդգծվում է, որ 2023 թվականի սեպտեմբերի 20-ին ավարտվեց հակաահաբեկչական գործողությունը, որը սկսվել էր Ադրբեջանի ղարաբաղյան տնտեսական շրջանում լայնածավալ սադրանքները կանխելու, Հայաստանի Զինված ուժերի մնացորդների զինաթափելու և ադրբեջանական հողերից դուրս բերելու, այդ տարածքներում Ադրբեջանի Հանրապետության սահմանադրական կարգի վերականգնելու նպատակով:

Ընդամենը 23 ժամ տևած գործողության արդյունքում ադրբեջանական բանակը բարձր պրոֆեսիոնալիզմով կատարեց իր առջև դրված բոլոր առաջադրանքները։ Այսպիսով, սեպտեմբերի 20-ին ամբողջությամբ վերականգնվեց Ադրբեջանի Հանրապետության ինքնիշխանությունը։