Ալիև. Ադրբեջանը կարևորում է Բալկանյան երկրների հետ կապերի զարգացումը

Նոյեմբերի 14-ին Ադրբեջանի Հանրապետության նախագահ Իլհամ Ալիևը հանդիպել է Հյուսիսային Մակեդոնիայի Հանրապետության նախագահ Գորդանա Սիլյանովսկա-Դավկովայի հետ։

Ըստ AZERTAC-ի՝ ընդգծելով, որ COP29-ը կազմակերպվել է բարձր մակարդակով, Գորդանա Սիլյանովսկայա-Դավկովան ասել է, որ միջոցառման բացման արարողությանը ներկայացվել է ադրբեջանական մշակույթի մասին հետաքրքիր շնորհանդես։ Նշելով, որ կողմ է մշակութային դիվանագիտությանը, հարգարժան հյուրը գոհունակություն է հայտնել Ադրբեջանի մշակույթին ծանոթանալու կապակցությամբ։ Նա ընդգծել է Ադրբեջանի հետ համագործակցության լայն հնարավորությունների առկայությունը։

Նախագահ Իլհամ Ալիևը հույս է հայտնել, որ Գորդանա Սիլյանովսկայա-Դավկովայի այցը Ադրբեջան ազդակ կհաղորդի երկկողմ հարաբերությունների ընդլայնմանը և առևտրատնտեսական և մշակութային կապերի զարգացմանը։

Երկրի ղեկավարն ընդգծել է, որ COP29-ի հետ կապված Ադրբեջանի դեմ անարդար քարոզչություն է տարվում։

Անդրադառնալով Հյուսիսային Մակեդոնիայում ներդրումային հնարավորություններին՝ նախագահ Իլհամ Ալիևն ասել է, որ Ադրբեջանը կարևորում է Բալկանյան երկրների հետ կապերի զարգացումը։

Հանդիպմանը մտքերի փոխանակություն է տեղի ունեցել ներդրումների, գյուղատնտեսության, զբոսաշրջության, կրթության, մշակույթի ոլորտներում համագործակցության հարցերի շուրջ։