Ալիևն ու Պուտինը քննարկել են ադրբեջանա-ռուսական ռազմավարական գործընկերությունն ու դաշինքը

Նոյեմբերի 15-ին ՌԴ նախագահ Վլադիմիր Պուտինը զանգահարել է Ադրբեջանի նախագահ Իլհամ Ալիևին։

Ինչպես հայտնում է Caliber.Az-ը, այս մասին տեղեկությունը տարածել է ԱՀ ղեկավարի պաշտոնական կայքը։

Այս տարվա օգոստոսին Վլադիմիր Պուտինի՝ Ադրբեջան կատարած պետական այցի ընթացքում ձեռք բերված պայմանավորվածությունների, ինչպես նաև Ռուսաստանի վարչապետ Միխայիլ Միշուստինի Բաքվում վերջին շփումների համատեքստում դիտարկվել են արդյունաբերական համագործակցության և տրանսպորտի ոլորտներում մի շարք փոխշահավետ նախագծերի գործնական իրականացման հարցերը։ Կողմերը հաստատել են իրենց փոխադարձ շահագրգռվածությունը ադրբեջանա-ռուսական ռազմավարական գործընկերության և դաշինքի հետագա համակողմանի զարգացման հարցում։ Պայմանավորվածություն է ձեռք բերվել շարունակել շփումները տարբեր մակարդակներով՝ քննարկված հարցերի լուծման նպատակով։