Ալիևները՝ Կենտրոնական բուսաբանական այգու բացմանը ԼՈՒՍԱՆԿԱՐ

Ադրբեջանի Հանրապետության նախագահ Իլհամ Ալիևը, առաջին տիկին Մեհրիբան Ալիևան և նրանց ընտանիքի անդամները մասնակցել են Կենտրոնական բուսաբանական այգու բացմանը այնտեղ իրականացված բարեկարգման, հիմնանորոգման, շինարարության և ընդլայնման աշխատանքներից հետո։

AZERTAC-ի փոխանցմամբ՝ Բաքվի քաղաքային գործադիր իշխանության ղեկավար Էլդար Ազիզովը մանրամասն տեղեկացրել է Կենտրոնական բուսաբանական այգում ստեղծված պայմանների մասին։

Նշենք, որ պետության ղեկավարը մշտապես ուշադրության կենտրոնում է պահել Կենտրոնական բուսաբանական այգում իրականացվող աշխատանքները։ Այսպես, նախագահ Իլհամ Ալիևը և առաջին տիկին Մեհրիբան Ալիևան երկու անգամ՝ 2023 թվականի հուլիսին և այս տարվա հունիսին, ծանոթացել են Կենտրոնական բուսաբանական այգում իրականացվող աշխատանքների ընթացքին։

Հաղորդվել է, որ հիմնանորոգման և վերականգնման աշխատանքների արդյունքում Կենտրոնական բուսաբանական այգու տարածքը 39 հեկտարից հասցվել է 45 հեկտարի։ Այգում ստեղծվել է մուտքային համալիր, կառուցվել են ժամանակակից պահանջներին և շինարարական կանոններին համապատասխանող նոր ջերմոցներ և շատրվան, իրականացվել է գործող ջերմոցների հիմնանորոգում։ Այստեղ տնկվում են օտար երկրներից բերված և հատուկ պայմաններում աճեցված հազվագյուտ դեկորատիվ ծառեր, թփեր և տարատեսակ ծաղիկներ։

Այգին ունի 3-բլոկանոց ջերմոց՝ բույսերի աճեցման համար, լճային համալիր և դիտահարթակ։