Ալիևը Դավոսում հանդիպել է Լատվիայի նախագահի հետ

Հունվարի 21-ին Դավոսում Ադրբեջանի նախագահ Իլհամ Ալիևը հանդիպել է Լատվիայի նախագահ Էդգարս Ռինկևիչսի հետ։

Ինչպես հայտնում է Caliber.Az-ը, այս մասին տեղեկությունը զետեղված է պետության ղեկավարի պաշտոնական կայքում։ Հանդիպումը կայացել է հակառակ կողմի նախաձեռնությամբ։

Էդգարս Ռինկևիչը գոհունակությամբ հիշել է Իլհամ Ալիևի հետ ունեցած նախորդ հանդիպումները և նշել, որ այսօրվա հանդիպումը լավ հնարավորություններ է բացում երկկողմ հարաբերությունները քննարկելու համար։

Լատվիայի նախագահը ցավակցություն է հայտնել Ադրբեջանի նախագահին՝ Բաքվից Գրոզնի թռչող ինքնաթիռի կործանման հետևանքով մարդկանց զոհվելու կապակցությամբ։ Իլհամ Ալիևը շնորհակալություն է հայտնել ցավակցության համար:

Ադրբեջանի նախագահն ընդգծել է այսօրվա հանդիպման կարևորությունը ադրբեջանա-լատվիական համագործակցության հեռանկարների քննարկման տեսանկյունից։