Ալիևը Եթովպիայի նախագահին. մենք մեծ նշանակություն ենք տալիս աֆրիկյան երկրների հետ հարաբերությունների զարգացմանը

Նոյեմբերի 14-ին Ադրբեջանի Հանրապետության նախագահ Իլհամ Ալիևը հանդիպել է Եթովպիայի Դաշնային Դեմոկրատական Հանրապետության նախագահ Տայե Ացկե-Սելասիեի հետ։

AZERTAC-ի փոխանցմամբ՝ Տայե Ացկե-Սելասիեն պետության ղեկավարին է փոխանցել Եթովպիայի Դաշնային Դեմոկրատական Հանրապետության վարչապետ Աբի Ահմեդ Ալիի ողջույնները։

Ընդգծելով զարգացող երկրների միջև համերաշխության ամրապնդման կարևորությունը՝ նախագահ Իլհամ Ալիևը նշել է, որ Ադրբեջանը մեծ նշանակություն է տալիս աֆրիկյան երկրների հետ հարաբերությունների զարգացմանը։

Անդրադառնալով ASAN xidmət-ի փորձին՝ երկրի ղեկավարն ասել է, որ Ադրբեջանը պատրաստ է ցանկացած աջակցություն ցուցաբերել այս ոլորտում։

Եթովպիայի նախագահը Ալիևին հրավիրել է պաշտոնական այց կատարել իր երկիր։