Ալիևը հաստատել է 2025 թվականի պետական բյուջեն

Ադրբեջանի նախագահ Իլհամ Ալիևը հաստատել է «2025 թվականի պետական բյուջեի մասին» օրենքը։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Փաստաթղթի համաձայն՝ հաջորդ տարվա պետբյուջեի եկամուտները կկազմեն 38 մլրդ 356 մլն մանաթ, ծախսերը՝ 41 մլրդ 407,6 մլն մանաթ։

Եկամուտների կառուցվածքում կենտրոնացված եկամուտները հաստատված են 37,562,064,0 հազար մանաթ, տեղական եկամուտները՝ 793,936,0 հազար մանաթ, ծախսերի կառուցվածքում կենտրոնացված եկամուտները կկազմեն 40,608,389,0 հազար մանաթ, տեղական՝ 799,210 հազար մանաթ։ Պետբյուջեի պակասուրդը հաստատվել է 3 մլրդ 51,6 մլն մանաթի չափով։