Ալիևը հաստատել է Բաքվի և Ափշերոնի թերակղզու ջրամատակարարման համակարգերի արդիականացման պետական ծրագիրը

Ադրբեջանի նախագահ Իլհամ Ալիևը կարգադրություն է ստորագրել «Բաքվի և Ափշերոնի թերակղզու ջրամատակարարման, կեղտաջրերի և անձրևաջրերի համակարգերի բարելավման 2026-2035թթ. պետական ծրագրի հաստատման մասին»։

Caliber.Az-ի փոխանցմամբ՝ այս մասին տեղեկատվությունը զետեղված է պետության ղեկավարի պաշտոնական կայքում։

Նախարարների կաբինետին հանձնարարվել է համակարգել և վերահսկել պետական ծրագրով նախատեսված միջոցառումների իրականացումը և ամեն տարի հաշվետվություն ներկայացնել նախագահին։ Պետական ծրագրի իրականացման մոնիթորինգը և գնահատումը հանձնարարվել է Տնտեսական բարեփոխումների և հաղորդակցությունների վերլուծության կենտրոնին։