Ալիևը հաստատել է Շուշա քաղաքի պետական արգելոցի վարչության կանոնադրության փոփոխությունները

Ադրբեջանի նախագահ Իլհամ Ալիևը հավանություն է տվել Շուշա քաղաքի պետական արգելոցի վարչության կանոնադրության փոփոխություններին։

Ինչպես հայտնում է Caliber.Az-ը, այս մասին տեղեկությունը զետեղված է պետության ղեկավարի պաշտոնական կայքում։

Փոփոխությունների համաձայն՝ այսուհետ վարչությունը պատասխանատու է Շուշայի շրջանում բնակիչների վերադարձի հետ կապված բազմաբնակարան շենքերի և բնակելի տների շինարարության կազմակերպման, կառուցված բազմաբնակարան շենքերի ժամանակավոր կառավարման համար՝ մինչև բնակիչների լիարժեք բնակեցումը: Պատասխանատու է նաև քաղաքային ճանապարհների վերանորոգման, սպասարկման և պահպանության, քաղաքում բարեկարգման և կանաչապատման աշխատանքների համար: