Ալիևը հավանություն է տվել Ադրբեջանի և Ռուսաստանի միջև երկու համաձայնագրերին

Նախագահ Իլհամ Ալիևը հաստատել է «Ադրբեջանի Հանրապետության կառավարության և Ռուսաստանի Դաշնության կառավարության միջև առողջապահության, բժշկական կրթության և բժշկական գիտության բնագավառում համագործակցության մասին համաձայնագիրը»։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Իլհամ Ալիևը հաստատել է նաև «Ադրբեջանի Հանրապետության պարենային անվտանգության գործակալության և Սպառողների իրավունքների պաշտպանության և մարդու բարեկեցության վերահսկողության դաշնային ծառայության (Ռուսաստանի Դաշնություն) միջև սննդամթերքի անվտանգության ոլորտում համագործակցության մասին համաձայնագիրը»։ Նշենք, որ երկու փաստաթղթերն էլ ստորագրվել են այս տարվա օգոստոսի 19-ին Բաքվում։