Ալիևը հրամանագիր է ստորագրել Ղարաբաղի համալսարանին առընթեր կլինիկա ստեղծելու մասին

Ադրբեջանի նախագահ Իլհամ Ալիևը հրամանագիր է ստորագրել «Ղարաբաղի համալսարանական կլինիկա» հանրային իրավունքի իրավաբանական անձի ստեղծման և գործունեության ապահովման մասին։

Ինչպես հայտնում է Caliber.Az-ը, այս մասին տեղեկությունը զետեղված է պետության ղեկավարի պաշտոնական կայքում։

Փաստաթղթի համաձայն, կլինիկան կզբաղվի Ղարաբաղի համալսարանի ուսանողների վերապատրաստմամբ ըստ բժշկական մասնագիտությունների, ինչպես նաև բժշկական ոլորտում գիտական հետազոտություններով։ Կլինիկայի պահպանման ծախսերը հոգալու համար պետբյուջեից 5 մլն մանաթ է հատկացվել Ղարաբաղի համալսարանին։ Ֆինանսների նախարարությանը հանձնարարվել է հետագա տարիներին ապահովել կլինիկայի պահպանման ծախսերի ֆինանսավորումը, քանի դեռ այն չի հասել լիարժեք ինքնաֆինանսավորման մակարդակի: