Ալիևը կարգադրել է ֆինանսական աջակցություն ցուցաբերել «Ղարաբաղ» ֆուտբոլային ակումբին

Ադրբեջանի նախագահ Իլհամ Ալիևը կարգադրություն է ստորագրել ««Ղարաբաղ» ֆուտբոլային ակումբին ֆինանսական աջակցություն ցուցաբերելու մասին»։

Ինչպես հաղորդում է Caliber.Az-ը, այս մասին տեղեկատվությունը զետեղված է պետության ղեկավարի պաշտոնական կայքում։

Փաստաթղթի համաձայն՝ ՈՒԵՖԱ-ի Չեմպիոնների լիգայի գլխավոր փուլ անցնելու կապակցությամբ, 2025 թվականի պետական բյուջեով նախատեսված նախագահի պահուստային ֆոնդից «Ղարաբաղ» ֆուտբոլային ակումբին հատկացվել է 5 միլիոն մանաթ։