Ալիևը կարգադրել է միջոցներ հատկացնել Ուկրաինային մարդասիրական օգնության համար

Նախագահ Իլհամ Ալիևը կարգադրություն է ստորագրել «Ադրբեջանի Հանրապետության էներգետիկայի նախարարությանը միջոցներ հատկացնելու մասին՝ Ուկրաինային մարդասիրական օգնություն տրամադրելու համար»։

Ինչպես հայտնում է Caliber.Az-ը, այս մասին տեղեկությունը զետեղված է պետության ղեկավարի պաշտոնական կայքում։

Փաստաթղթի համաձայն՝ 2025 թվականի պետբյուջեով նախատեսված Ադրբեջանի Հանրապետության նախագահի պահուստային ֆոնդից էներգետիկայի նախարարությանը 1 մլն մանաթին համարժեք դոլար կհատկացվի Ուկրաինային մարդասիրական օգնություն տրամադրելու նպատակով էլեկտրասարքավորումների մատակարարման համար։