Ալիևը կարգադրություն է ստորագրել Նախչըվանում հասարակական տրանսպորտի շահագործման մասին

Ադրբեջանի նախագահ Իլհամ Ալիևը կարգադրություն է ստորագրել «Նախչըվան քաղաքում հասարակական տրանսպորտի աշխատանքը կարգավորելու լրացուցիչ միջոցառումների մասին»։

Ինչպես հայտնում է Caliber.Az-ը, այս մասին տեղեկությունը զետեղված է պետության ղեկավարի պաշտոնական կայքում։

Փաստաթղթի համաձայն՝ էկոլոգիապես մաքուր մեքենաների կիրառումը խթանելու և Նախչըվանի հասարակական տրանսպորտի համակարգում ուղևորափոխադրումները բացառապես էլեկտրական ավտոբուսներով կազմակերպելու համար կգնվի 60 էլեկտրական ավտոբուս, կտեղադրվեն լիցքավորման կայաններ, և կարդիականացվի էլեկտրական ավտոբուսները սպասարկող դեպոյի (ավտոտնակների) ենթակառուցվածքը։ Այդ նպատակների համար 2025 թվականի պետբյուջեից կհատկացվի 33 մլն 449 հազար մանաթ, որն ուղղվելու է «BakuBus» ՍՊԸ կանոնադրական կապիտալի ավելացմանը։